Weihnachtsgedichte
Am Adventmarkt - in Mundart

Endlich is wieda soweit,

s gaunze Johr hob ih mi gfreit,

auf´n Dezember, noch´n  Niklo

is da Christkindlmorkt bold do.

Jede Stodt, is a no so klaa,

an Adventmorkt, den hot´s a.

Dort gibt´s lauta schene Sochn,

de uns ´Schenkn leichta mochn.

Glos, Keramik, Wunderkerzen,

Vanillekipferln, Lebzöltherzen.

Stobmixa und Ollasschneider,

Indianer, Roß und Reiter.

An Elch aus Holz, a Puppengschirr,

oda gar fia´s Gsicht a Schmier.

De Auswohl is do riesengroß,

doch bei de Standl is nix los.

Des anzige Gschäft, des sog ich frei,

des geht nau mit da Trinkerei.

Mit´n Glühwein oda wormen Punsch,

do erfüllst fost jedn Wunsch.

Beim Essn, Trinkn oda Reden

rund ums Tischerl findst an jeden.

Do stengan d´Leit in klanan Gruppen,

essn Brot oda a  Suppn.

Dort kemman a vül solche zaum,

de sunst alaa san , neamd mea haum.

De Kinda, de foahrn Ringelgspül,

do gebn´s a Ruah, sekkiern net vül.

S´gibt ka Hektik und kaan Stress,

ma untaholt se guat, drum gfollt ma des..

Ma glaubt net, wia schnö de Zeit varrennt,

waunn´s gmiatlich is, a in Advent.