Humor & Satire
Martinitag - Karrikatur: Helmut Wenninger

Einleitung

heute, 11.11. feiern wir weniger den Faschingsbeginn als den Martinitag . feiert mit mir.... herzlichst Ingrid

MARTINI - TAG

Am 11. November,

da ist Martini.

Am 11. 11. um 11 Uhr 11

stelln mia beim Hans uns ein,

um zu verkostn

sein heurign Wein.

Bis aber so weit,

vor der richtign Zeit -

zum Beispiel um 11 Uhr drei -

sogst  "Mahlzeit" noch

oder "Waismannsheil!"

Mia stehn olle im Kreis beinand,

a jeds mit an Glasl in seiner Hand.

„Glei is so weit!“, sogt d´ Annerl sei Frau,

„mei Uhr is pünktli, de geht genau.“

Ih hob a Funkuhr. De stimmt immer,

auf de is sekundengenau Verloss.“,

mant da Peperl

und schwenkt a wengerl sei Glos.

11. 11. 11 Uhr 11!

De Gläser klirren und ma sogt „Prost!“

Jeder voll Andacht den Heurign kost,

den Wein, der jetzt erst a richtiger Wein.

Und olle Gäst begeistert sein.

„Hans, wia host du denn des wieder gmocht?“

„Wia goldn der Wein aus dem Glasl locht!“

„Der Glanz! De Forb! Und des Bukett!“

„Und a da Obgang – traumhaft schee!“

„Wia der auf ´n Gaumen hängen bleibt!“

„Und wia der Duft ins Naserl steigt!“

„Des Gschmackerl, Hans, des is a Traum!“ ...

...so schallt es durch den Kellerraum.

Und da Hans

steigt mit ´n Tupfer vo Fass zu Fass

und kredenzt uns stolz

des köstliche Nass.

In seine Augn –

wos für Glaunz, wos für Schimmer!

Do waß ih, er is wia immer,

mit seiner Arbeit zufriedn,

und mit der Ernte,

de eahm beschiedn.

So is Prüfstein da Martinitog –

den da Hans mit sein Wein

bestns bestandn hot!

I. H.   2003