Gedichte
Grüß up Platt vun een Deern

Grüß up Platt vun een Deern

Man nu schüllt ji mi maal kort anhöörn:
Ok ik kann platt - ik bruunöögig Deern.
Jo, jo, dor kiekt ji un denkt woll so:
Dat dat dat gifft - se kann platt - de lüttje Fro.

Jo, ik geev mi Möh vun wegen mienen leeven Mann,
dat he mi nie nix vormaaken kann.
Wieldat ik em tohöör, müch ik em ganz verstahn,
drüm bün ik wegen Plat up de School gahn.
Dor ööv ik beeten de plattdüütsche Spraak.
Kann mehr verstahn as snacken - dat is de Saak.
Man ik will mi nich versteeken so as een bange Muus.
Je mehr ik platt kann - je mehr bün ik hier Tohuus.