Humor & Satire
A scheena Brauch - ein Loblied auf das Singen

A SCEENA BRAUCH

Mei Mau und ih

san dozumol

umi gfohrn nach Loidesthol.

Es is uns nämli wordn bekannt,

dort soll ´s den scheenen Brauch no gebn,

dass d´ Leutln singen miteinand -

des habn mia wolln erlebn.l

Und meiner Sö!! ´s is wirkli wohr -

Fraun und Mauna - olle singen!

Und der riesengroße Chor

tuat mir no laung im Herzn klingen.

Seither hob ih oft dran denkt

und summ a Liadl vor mi hin,

wenn mi wos gfreut, wenn mi wos kränkt

und ollwei, wenn ih glückli bin.

Des Singen, glaubt ´s ma, liabe Freind,

kann Herz und Sö befrein

und kann - wia mia so scheint -

oft besser ols des Redn sein.

( C ) I. H. 

Sö = Seele

Mau = Mann

Mauna sind die Männer

dozumol = damals