Humor & Satire
Unn´re Muddi - Sächsisches Mundartgedicht

Unn´re Muddi is de Besde

se socht och merschdens nischt derzu.

So had´se eene reene Wesde

un außerdem ooch ihre Ruh.

Doch eenmal hot se sisch gedraud

und hot zen Seehofer gesochd:

"Mit mir, da gibt es keine Maut."

Doch der hot drieber ner gelochd.

Den Seehofer den schderd dos wenich

dar schdampft mal mit de Haxn druff,

denn in sein´m Ländle isser Kenich

und fiert sich manchmol ooch su uff.

Die Muddi probierde´s mal auf Schiern

Hot dorbei sich arg den Steiß verrengd

Des schderd se obor nich beim Regier´n `

S Zepter bekimmt niemand geschengd

Dor Postenkreisl hat s´sch nu gedreht

Do is un´re Muddi ja ganz helle...

Des neie Bundesgabinedd, es stieht

und verfossdt nei Gesetze ganz schnelle.

So hat nu ooch dar Herr Gabriel

De Garriereleidor erglommen

Mr werd jo sahn, ob de Preise vom Eel

Dem Volke wer´n och noch bekommen

Jetzt is de Ulla, ganz ungeniert,

Verdeidschungsminisdor in spe

Do werd de Armee nei ausstaffiert,

De Männor in blau, de Weibor in rosé.

Dann frachde ich mich, (ach du Schragg),

Is dar Profalla endlich wag?

Ober nee, dar sitzt ja schon

Off´m nachsten teiren Thron.

Wunner wer´n se nu schdändisch vollbringen.

Ner Dienst nach Vorschrift - un´s werd gelingen.

Un gieht ewos schief, wappned eich miet Geduld, Denn merschdens is dann dr Herr Niemand dra schuld.